ರೀಲ್ಸ್ ಹುಚ್ಚು: ರೈಲಿನಲ್ಲಿ ರೀಲ್ಸ್ ಮಾಡುತ್ತಿದ್ದ ಯುವತಿಗೆ ಮಧ್ಯವಯಸ್ಕ ಮಹಿಳೆಯ ‘ಪಾಠ’ – ವೈರಲ್ ವಿಡಿಯೋಕ್ಕೆ ನೆಟಿಜನ್ ಶ್ಲಾಘನೆ!
ಇಂದಿನ ಯುವಜನತೆಯಲ್ಲಿ ರೀಲ್ಸ್ ತಯಾರಿಕೆ ಬಗ್ಗೆ ಆಸಕ್ತಿ ದಿನದಿಂದ ದಿನಕ್ಕೆ ಹೆಚ್ಚುತ್ತಲೇ ಇದೆ. ಆದರೆ ಈ ಆಸಕ್ತಿ ಕೆಲವೊಮ್ಮೆ ಅಪಾಯಕಾರಿಯಾಗಿ ಪರಿಣಮಿಸುತ್ತಿದೆ. ಇತ್ತೀಚೆಗೆ ರೈಲಿನಲ್ಲಿ ನಡೆದಂತಹ ಒಂದು ಘಟನೆ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿದ್ದು, ಜವಾಬ್ದಾರಿತನದ ಬಗ್ಗೆ ಚಿಂತನೆಗೆ ದಾರಿ ಮಾಡಿದೆ.
ವೈರಲ್ ಆಗುತ್ತಿರುವ ವಿಡಿಯೋದಲ್ಲಿ, ಯುವತಿಯೊಬ್ಬಳು ವೇಗವಾಗಿ ಓಡುತ್ತಿರುವ ರೈಲಿನ ಬಾಗಿಲ ಬಳಿ ನಿಂತು, ತನ್ನ ಜೀವದ ಅಪಾಯವನ್ನೂ ಪರವಾಗಿಲ್ಲದೆ ರೀಲ್ಸ್ ಶೂಟ್ ಮಾಡುತ್ತಿರುವುದು ಕಾಣಿಸುತ್ತದೆ. ಈ ದೃಶ್ಯವನ್ನು ಕಂಡ ಸ್ಥಳದಲ್ಲಿದ್ದ ಮಧ್ಯವಯಸ್ಕ ಮಹಿಳೆಯೊಬ್ಬರು ಆಕೆಯ ದುರ್ವಿಹಾರವನ್ನು ತೀವ್ರವಾಗಿ ವಿರೋಧಿಸಿ, ಆಕೆಯನ್ನು ಎಳೆದು, ಕೆನ್ನೆಗೆ ಹೊಡೆದು ಬುದ್ಧಿವಾದ ಹೇಳಿದ್ದಾರೆ.
ಈ ದೃಶ್ಯ ಸಾಮಾಜಿಕ ಜಾಲತಾಣದಲ್ಲಿ ಚುರುಕಾಗಿ ಹರಡುತ್ತಿದ್ದು, ಅನೇಕರು ಆ “ಆಂಟಿ”ಯ ಧೈರ್ಯವನ್ನು ಶ್ಲಾಘಿಸುತ್ತಿದ್ದಾರೆ. “ಇಂತಹ ಧೈರ್ಯವಂತ ಮಹಿಳೆಯರು ಇನ್ನು ಹೆಚ್ಚು ಬೇಕು”, “ಗ್ರೇಟ್ ಆಂಟಿ!”, “ಅವರ ನಡೆ ಯುವಜನತೆಗೆ ಎಚ್ಚರಿಕೆಯ ಪಾಠ” ಎಂಬಂತೆ ನೂರಾರು ಪ್ರತಿಕ್ರಿಯೆಗಳು ಹರಿದುಬಂದಿವೆ.
ರೀಲ್ಸ್ ಮಾಡುವುದು ತಪ್ಪಲ್ಲ, ಆದರೆ ಅದು ತಮ್ಮ ಅಥವಾ ಇತರರ ಸುರಕ್ಷತಿಗೆ ಧಕ್ಕೆಯಾಗುವಂತೆ ಇದ್ದರೆ, ಅದು ಖಂಡನೀಯ. ಈ ವಿಡಿಯೋ ಮತ್ತೆ ಒಂದು ಸಾರಿ ಎಚ್ಚರಿಕೆ ನೀಡಿದ್ದು, ಜವಾಬ್ದಾರಿಯಿಂದ ಸಂವಹನ ಮಾಧ್ಯಮಗಳನ್ನು ಉಪಯೋಗಿಸಬೇಕೆಂಬ ಆವಶ್ಯಕತೆಯನ್ನು ಹತ್ತಿರದಿಂದ ನೆನಪಿಸುತ್ತದೆ.
