ಜೀ ಕನ್ನಡದ ಸರಿಗಮಪ ರಿಯಾಲಿಟಿ ಶೋ ಮೂಲಕ ಪ್ರಸಿದ್ಧಿಯಾಗಿರುವ ಯುವ ಗಾಯಕಿ ಪೃಥ್ವಿ ಭಟ್, ಕುಟುಂಬದ ವಿರೋಧದ ನಡುವೆಯೇ ಪ್ರೇಮವಿವಾಹ ಮಾಡಿರುವ ಸುದ್ದಿ ಬೆಳಕಿಗೆ ಬಂದಿದೆ. ಜೀ ವಾಹಿನಿಯ ಪ್ರೊಡಕ್ಷನ್ ವಿಭಾಗದಲ್ಲಿ ಕೆಲಸ ಮಾಡುತ್ತಿದ್ದ ಅಭಿಷೇಕ್ ಎಂಬ ಯುವಕರನ್ನು ಅವರು ಜೀವನ ಸಂಗಾತಿಯಾಗಿ ಆಯ್ದುಕೊಂಡಿದ್ದಾರೆ. ಈ ಜೋಡಿ ಮಾರ್ಚ್ 27ರಂದು ವಿವಾಹ ಬಂಧನಕ್ಕೆ ಒಳಗಾದರೆನ್ನಲಾಗಿದೆ. ಆದರೆ, ವಿವಾಹದ ಸುತ್ತಲಿನ ವಿಚಾರಗಳು ಇದೀಗ ಸದ್ದು ಮಾಡುತ್ತಿವೆ.
ಪೃಥ್ವಿಯ ತಂದೆ, ತಮ್ಮ ಮಗಳಿಗೆ ಹವ್ಯಕ ಸಮುದಾಯದ ಯುವಕನನ್ನು ವರನಾಗಿಸಲು ಆಸೆಪಟ್ಟಿದ್ದಾಗಿ ತಿಳಿಸಿದ್ದಾರೆ. ಈ ಕುರಿತು ಅವರು ಜೀ ಕನ್ನಡದ ಸರಿಗಮಪ ಶೋನಲ್ಲಿ ಜ್ಯೂರಿಯಾಗಿ ಇದ್ದ ಸಂಗೀತ ಗುರು ನರಹರಿ ದೀಕ್ಷಿತ್ ಅವರಿಗೆ ಮಾತು ಹೇಳಿದ್ದಾರೆ. ಆದರೆ, ಪೃಥ್ವಿ ಭಟ್ ಪ್ರೀತಿಸುತ್ತಿರುವ ವ್ಯಕ್ತಿಯ ಬಗ್ಗೆ ನರಹರಿ ದೀಕ್ಷಿತ್ ಅವರಿಗೆ ತಿಳಿಸಿದ್ದರಿಂದ, ಬಳಿಕ ನಡೆದ ಘಟನೆಯಿಂದ ಪೋಷಕರು ಮರ್ಮಾಹತರಾಗಿದ್ದಾರೆ.
ಪೃಥ್ವಿಯ ತಂದೆ ಹೇಳಿದ್ದಾರೆ: “ಮಗಳನ್ನು ನಾನೊಬ್ಬ ಹುಡುಗನ ಬಗ್ಗೆ ಕೇಳಿದಾಗ, ಅವಳೇ ದೇವರ ಮೇಲೆ ಪ್ರಮಾಣ ಮಾಡಿ ‘ನೀವು ತೋರಿಸಿದ ಹುಡುಗನ ಜೊತೆ ಮದುವೆ ಆಗುತ್ತೇನೆ’ ಎಂದಿದ್ದಳು. ಆದರೆ ಇತ್ತೀಚೆಗೆ ನನ್ನ ಗೊತ್ತಿಲ್ಲದೆ ಮದುವೆಯಾಗಿದ್ದಾಳೆ. ಈ ಎಲ್ಲದಕ್ಕೂ ಕಾರಣ ನರಹರಿ ದೀಕ್ಷಿತ್ ಆಗಿದ್ದಾರೆ. ಅವರು ನನ್ನ ಮಗಳನ್ನು ಧಾರೆ ಎರೆದು ಕೊಟ್ಟಿದ್ದಾರೆ.”
ಪೃಥ್ವಿಯ ತಂದೆ ತಮ್ಮ ನೋವನ್ನು ಹವ್ಯಕ ಸಮುದಾಯದ ಗ್ರೂಪ್‌ಗಳಲ್ಲಿ ಆಡಿಯೋ ಸಂದೇಶದ ಮೂಲಕ ಹಂಚಿಕೊಂಡಿದ್ದಾರೆ. ಅವರು ಮನವಿ ಮಾಡಿದ್ದು, “ನರಹರಿ ದೀಕ್ಷಿತ್ ಅವರಂತಹವರು ನಮ್ಮ ಸಮಾಜದಿಂದ ಪ್ರೋತ್ಸಾಹ ಪಡೆಯಬಾರದು. ನನ್ನ ಮಗಳಿಗೆ ಅವರು ಧಾರೆಯರೆಯದಂತೆ ನಡೆದುಕೊಂಡಿದ್ದಾರೆ. ಈ ವಿಷಯ ನನ್ನ ಮನಸ್ಸಿಗೆ ತುಂಬಾ ನೋವು ತಂದಿದೆ.”
ಈ ಆಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೇಗವಾಗಿ ಹರಡುತ್ತಿದೆ.
