ಎರಡು ವರ್ಷಗಳ ಹಿಂದೆ ಪ್ರತಿಯೊಬ್ಬ ಭಾರತೀಯನ ಮೇಲೆ ಸರಾಸರಿ 3.9 ಲಕ್ಷ ರೂಪಾಯಿ ಸಾಲವಿತ್ತು. ಆದರೆ ಈ ಸಾಲದ ಪ್ರಮಾಣ ಇದೀಗ ಈ ವರ್ಷದ ಮಾರ್ಚ್ ವೇಳೆಗೆ ಶೇ. 23ರಷ್ಟು ಹೆಚ್ಚಾಗಿ 4.8 ಲಕ್ಷ ರೂಪಾಯಿಗೆ ತಲುಪಿದೆ ಎಂದು ರಿಸರ್ವ್‌ ಬ್ಯಾಂಕ್‌ ಆಫ್‌ ಇಂಡಿಯಾ ಬಿಡುಗಡೆಗೊಳಿಸಿದ ವಿತ್ತೀಯ ಸ್ಥಿರತೆ ವರದಿ ತಿಳಿಸಿದೆ.
ಈ ವರದಿಯ ಪ್ರಕಾರ, ಕಳೆದ ಎರಡು ವರ್ಷಗಳಲ್ಲಿ ಪ್ರತಿಯೊಬ್ಬ ಭಾರತೀಯನ ಮೇಲೆ ಸಾಲದ ಭಾರವು ಸುಮಾರು 90,000 ರೂಪಾಯಿಯಿಂದ ಹೆಚ್ಚಾಗಿದೆ. ಇದಕ್ಕೆ ಗೃಹ ಸಾಲ, ವೈಯಕ್ತಿಕ ಸಾಲ, ಕ್ರೆಡಿಟ್ ಕಾರ್ಡ್ ಖರ್ಚು ಮತ್ತು ಇತರ ಚಿಲ್ಲರೆ ಸಾಲಗಳ ಕಾರಣ ಎಂದು ಹೇಳಲಾಗಿದೆ.
ಈಗ ದೇಶದ ಒಟ್ಟು ಸಾಲ ಶೇ. 54.9ರಷ್ಟಾಗಿದ್ದು, ಇದರಲ್ಲಿ ಗೃಹ ಸಾಲದ ಪಾಲು ಶೇ. 29ರಷ್ಟಿದೆ. ಲೋನ್‌ ಟು ವ್ಯಾಲ್ಯೂ ಅನುಪಾತ ಕೂಡ ಶೇ. 70ರಷ್ಟು ಮೀರಿದ್ದು, ಇದು ಆತಂಕಕಾರಿ ಎಂದೂ ವರದಿ ತಿಳಿಸಿದೆ.
ಈ ಬೆಳವಣಿಗೆಗೆ ಕಾಂಗ್ರೆಸ್ ತೀವ್ರ ವಿರೋಧ ವ್ಯಕ್ತಪಡಿಸಿದ್ದು, ಇದಕ್ಕೆ ಪ್ರಧಾನ ಮಂತ್ರಿ ಮೋದಿ ನೇತೃತ್ವದ ಸರ್ಕಾರವೇ ಕಾರಣ ಎಂದು ಆರೋಪಿಸಿದೆ. ತಜ್ಞರ ಶಿಫಾರಸು ಮತ್ತು ವರದಿಯ ಅಂಕಿಅಂಶಗಳನ್ನು ಮುಚ್ಚಿ ಹಂಚಲು ಪ್ರಯತ್ನಿಸುತ್ತಿದ್ದಾರೆ ಎಂದು ಜೈರಾಮ್‌ ರಮೇಶ್ ಆಕ್ಷೇಪಿಸಿದ್ದಾರೆ. ಅವರು ಇದನ್ನು ‘ಅಚ್ಛೇ ದಿನಗಳ ಸಾಲ’ ಎಂದು ವ್ಯಂಗ್ಯವಾಡಿದ್ದಾರೆ.
