ಪುತ್ತೂರು: ಬಾಡಿಗೆಗೆ ಕೊಟ್ಟ ಲಾರಿ ಅಡವಿಟ್ಟ ಚಾಲಕ – ಮಾಲಕರಿಗೆ ಜೀವ ಬೆದರಿಕೆ, ಇಬ್ಬರ ವಿರುದ್ಧ ಪ್ರಕರಣ
ಪುತ್ತೂರಿನಲ್ಲಿ ಲಾರಿಯನ್ನು ಬಾಡಿಗೆಗೆ ನೀಡಿದ್ದ ಮಾಲಕರಿಗೆ ಚಾಲಕವೊಬ್ಬನು ಮೋಸ ಮಾಡಿದ್ದಾನೆ. ಚಾಲಕ ಲಾರಿಯನ್ನು ತೆಗೆದುಕೊಂಡು ಹೋಗಿ ಅಡವಿಟ್ಟು, ನಂತರ ಮಾಲಕರಿಗೆ ಜೀವ ಬೆದರಿಕೆ ಹಾಕಿದ ಪ್ರಕರಣ ಪುತ್ತೂರು ನಗರ ಪೊಲೀಸ್ ಠಾಣೆಯಲ್ಲಿ ಸೋಮವಾರ ದಾಖಲಾಗಿದೆ.
ಚಿಕ್ಕಮುಡ್ನೂರಿನ ನಿವಾಸಿ ಫರ್ವೀಝ್ ಎಂ. ಎಂಬುವವರು ಈ ಕುರಿತು ದೂರು ನೀಡಿದ್ದು, ಲಾರಿ ಚಾಲಕ ಅಸಾಸುದ್ದೀನ್ ಫೈರೋಝ್ ಮತ್ತು ಮಂಗಳೂರಿನ ಕಿರಣ್ ಆರೋಪಿಗಳಾಗಿದ್ದಾರೆ ಎಂದು ತಿಳಿದು ಬಂದಿದೆ.
ಕಳೆದ ಮಾರ್ಚ್‌ನಲ್ಲಿ ಲಾರಿಯನ್ನು ಬಾಡಿಗೆಗೆ ನೀಡಲಾಗಿತ್ತು. ಆದರೆ ಚಾಲಕ ಬಾಡಿಗೆ ಹಣ ನೀಡದೆ ಕಾಲಹರಣ ಮಾಡುತ್ತಿದ್ದ. ಲಾರಿ ಹಿಂದಿರುಗಿಸಲು ಕೇಳಿದಾಗ ಅಸಾಸುದ್ದೀನ್ ತಿರುಗು ಬಾಣದ ರೀತಿಯಲ್ಲಿ ವರ್ತಿಸಿ, ಕೊನೆಗೆ ಲಾರಿ ಮಂಗಳೂರಿನ ವ್ಯಕ್ತಿಯೊಬ್ಬರ ಬಳಿ ಇಟ್ಟಿದ್ದೇನೆ ಎಂದಿದ್ದಾನೆ.
ಫರ್ವೀಝ್ ಅವರು ತಮ್ಮ ಲೋನ್ ಸಂಸ್ಥೆಯ ಪ್ರತಿನಿಧಿಯೊಂದಿಗೆ ಮಂಗಳೂರಿಗೆ ತೆರಳಿ ವಿಚಾರಿಸಿದಾಗ, ಲಾರಿ ಇರುವುದನ್ನು ಆ ವ್ಯಕ್ತಿ ಒಪ್ಪಿಕೊಂಡರೂ ಹಿಂತಿರುಗಿಸಲು ನಿರಾಕರಿಸಿ, ಮಾಲಕರಿಗೆ ಅವಾಚ್ಯ ಶಬ್ದಗಳಿಂದ ನಿಂದಿಸಿದ್ದಾನೆ.
ಇದರಿಂದ ಉದ್ವಿಗ್ನರಾದ ಮಾಲಕರು ಇಬ್ಬರ ವಿರುದ್ಧ ಪೊಲೀಸರು ದೂರು ದಾಖಲಿಸಿದ್ದಾರೆ. ಪೊಲೀಸ್ ತನಿಖೆ ಮುಂದುವರಿಸಿದೆ.
