ಚಂಡಮಾರುತದ ಪರಿಣಾಮದಿಂದ ಮುಂದಿನ 5 ದಿನ ರಾಜ್ಯದ ಹಲವೆಡೆ ಭಾರೀ ಮಳೆಯ ಮುನ್ಸೂಚನೆ
ಸಮುದ್ರದ ಎರಡು ಭಾಗಗಳಲ್ಲಿ ವಾಯುಭಾರ ಕುಸಿತ ಉಂಟಾಗಿ, ಇದೀಗ ಅದು ಸ್ಪಷ್ಟ ಚಂಡಮಾರುತದ ರೂಪ ಪಡೆದಿದೆ. ಈ ಚಂಡಮಾರುತದ ಪರಿಣಾಮದಿಂದ ಕರ್ನಾಟಕದ ಜೊತೆಗೆ ದಕ್ಷಿಣ ಭಾರತದ ಹಲವು ರಾಜ್ಯಗಳಲ್ಲಿ ಏಪ್ರಿಲ್ 8ರವರೆಗೆ ಭಾರೀ ಮಳೆಯ ಅಬ್ಬರ ಇರುತ್ತದೆ ಎಂದು ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿದೆ.
ಇತ್ತೀಚೆಗೆ ರಾಜ್ಯದ ಕೆಲವೆಡೆ ಬಿಸಿಲಿನ ತಾಪಮಾನ ಹೆಚ್ಚಾಗಿದ್ದರೂ, ಈಗ ಹವಾಮಾನದಲ್ಲಿ ತೀವ್ರ ಬದಲಾವಣೆ ಕಂಡುಬಂದಿದ್ದು, ಪೂರ್ವ ಮುಂಗಾರು ಮಳೆಯ ಚುರುಕು ಹೆಚ್ಚಾಗಿದೆ. ಇದರಿಂದಾಗಿ ರಾಜ್ಯದ ಬಹುತೇಕ ಜಿಲ್ಲೆಗಳಲ್ಲಿ ಸಾಧಾರಣದಿಂದ ಹಿಡಿದು ಧಾರಾಕಾರ ಮಳೆ ಸಹ ಕಾಣಬಹುದು. ಕೆಲವು ಪ್ರದೇಶಗಳಲ್ಲಿ ಗುಡುಗು-ಮಿಂಚು, ಬಿರುಗಾಳಿ ಹಾಗೂ ಆಲಿಕಲ್ಲು ಸಹಿತ ಮಳೆಯ ಸಂಭವವಿದೆ.
ಚಂಡಮಾರುತದ ಸ್ಥಿತಿ:
ಲಕ್ಷದ್ವೀಪ ಸಮೀಪದ ಸಮುದ್ರದ ಮೇಲ್ಭಾಗದಲ್ಲಿ 0.9 ಕಿ.ಮೀ ಎತ್ತರದಲ್ಲಿ ಹಾಗೂ ಕೊಮೆರಿಯನ್ ಪ್ರದೇಶಗಳಲ್ಲಿ 3.6 ಕಿ.ಮೀ ಎತ್ತರದಲ್ಲಿ ಚಂಡಮಾರುತದ ಗಾಳಿ ನಿರ್ಮಾಣವಾಗಿದೆ. ವಾಯುಭಾರ ಕುಸಿತದಿಂದ ಆರಂಭವಾದ ಈ ಪರಿಸ್ಥಿತಿ ಈಗ ಚಂಡಮಾರುತ ರೂಪದಲ್ಲಿ ಬೆಳೆಯುತ್ತಿದ್ದು, ಇದರ ಪರಿಣಾಮದಿಂದ ದಕ್ಷಿಣ ಭಾರತದ ಹಲವು ರಾಜ್ಯಗಳಲ್ಲಿ ಮಳೆಯ ಪ್ರಮಾಣ ಹೆಚ್ಚಾಗಲಿದೆ. ಕರ್ನಾಟಕಕ್ಕೂ ಈ “ಸೈಕ್ಲೋನ್ ಎಫೆಕ್ಟ್” ಗಂಭೀರವಾಗಿ ತಾಕಲಿದೆ.
ಮಳೆ ಸಂಭವವಿರುವ ಜಿಲ್ಲೆಗಳು:
- ದಕ್ಷಿಣ ಕನ್ನಡ
- ಉಡುಪಿ
- ಉತ್ತರ ಕನ್ನಡ
- ಬಾಗಲಕೋಟೆ
- ಬೆಳಗಾವಿ
- ಬೀದರ್
- ಧಾರವಾಡ
- ಗದಗ
- ಹಾವೇರಿ
- ಕಲಬುರಗಿ
- ಕೊಪ್ಪಳ
- ವಿಜಯಪುರ
- ಚಿತ್ರದುರ್ಗ
- ಚಿಕ್ಕಮಗಳೂರು
- ದಾವಣಗೆರೆ
- ಹಾಸನ
- ಕೊಡಗು
- ಮೈಸೂರು
- ಶಿವಮೊಗ್ಗ
- ತುಮಕೂರು
ಈ ಜಿಲ್ಲೆಗಳಲ್ಲಿ ಕನಿಷ್ಠ 1ರಿಂದ 3 ದಿನಗಳವರೆಗೆ ಬಿರುಗಾಳಿ, ಗುಡುಗು-ಮಿಂಚು ಸಹಿತ ಭಾರೀ ಮಳೆಯಾಗುವ ಸಂಭವವಿದೆ. ಕೆಲವು ಕಡೆಗಳಲ್ಲಿ ಆಲಿಕಲ್ಲು ಸಹ ಸುರಿಯುವ ಸಾಧ್ಯತೆ ಇದೆ.
ನಾಗರಿಕರು ಮುನ್ನೆಚ್ಚರಿಕೆ ವಹಿಸಿಕೊಳ್ಳುವುದು ಅಗತ್ಯವಿದೆ ಎಂದು ಹವಾಮಾನ ಇಲಾಖೆ ಎಚ್ಚರಿಕೆ ನೀಡಿದೆ.
